Piskama e dites
Personi më i rrezikshëm është ai i cili dëgjon, mendon dhe vëzhgon.

- Bruce Lee
image

 

Sëmundja e kancerit ishte dhe mbetet një problem global i shëndetit publik. Në Kosovë, gjatë vitit 2015, janë paraqitur 808 raste të reja me këtë sëmundje. Ndërkaq gjatë këtij viti, ndonëse nuk ka ende statistika të sakta, sipas profesionistëve shëndetësorë, numri i personave të prekur mesëmundjen e kancerit ka shënuar ngritje të lehtë.

 

Ekrem Hyseni, drejtor i Institutit Onkologjik në Qendrën Klinike Universitare të Kosovës, i ka thënë Radios Evropa e Lirë se në këtë institucion gjatë ditës kërkojnë ndihmë deri në 300 persona.

 

“Klinika e Onkologjisë po funksionon me tëgjitha departamentet dhe po e përballon fluksin deri në 300 pacientë në ditë. Ata kanë nevojë për ndihmë, qoftë për mjekimet me kimioterapi, kujdes paliativ (kujdes mjekësor për personat me sëmundje të rënda) dhe kurativë ditore, radioterapi, etj. Aparatura po funksionon normalisht dhe po mbulon fluksin e pacientëve nga Kosova, Medvegja, Presheva si dhe disa raste sporadike nga Shqipëria.”

 

“Furnizimi është relativisht i mirë. Andaj trajtimi dhe mjekimi është shumë i lehtë. Mungesa të vogla ka, por janë barna të lira, e nuk ka ofertues për shkak të kostos së vogël. Por, ato barna pacientët i blejnë vet”, ka theksuar Hyseni.

 

Ndërkaq, udhëheqësi i Zyrës së Organizatës Botërore të Shëndetësisë në Kosovë, Skënder Syla, ka deklaruar se me një kujdes më të madh të njerëzve, sëmundja e kancerit edhe mund të parandalohet në shumë mënyra. Ai përmend disa nga faktorët që do të mund të ndikonin në parandalimin e kësaj sëmundjeje.

 

“Padyshim që janë disa faktorë që do të mund të ndikonin pozitivisht në parandalimin e sëmundjes së kancerit, si mos tymosja e duhanit, pasi që një ndër shkaktarët e sëmundjes së kancerit të mushkërive shkaktohet pikërisht nga tymosja. Pastaj duhet bërë më shumë aktivitete fizike, si dhe të kemi ushqyeshmëri dhe stil të shëndetshëm të jetës. Por, janë edhe kontrollet e rregullta mjekësore dhe zbulimi i hershëmqë i rrisin shanset për trajtim më të mirë dhe të lehtë”, ka deklaruar Syla.

 

Ndërsa onkologu Ekrem Hyseni tutje shton se krahasuar me vendet e rajonit, numri i qytetarëve të Kosovës që preken me sëmundjen e kancerit është më i vogël.

 

“Nuk ka shtim të rasteve të reja të shumta. Është një numër i lehtë i personave që preken me këtë sëmundje dhe nëse krahasohet me vendet e rajonit, Kosova është vendi me numër më të vogël të rasteve të reja të prekura me kancer”, ka deklaruara Hyseni.

 

Klinika e Onkologjisë e Qendrës Klinike Universitare të Kosovës ka përfituar një donacion prej 294 mijëeuro, i cili përmban 200 ampula tastuzumab ( Herceptinë R), që konsiderohet se do të jetë mbështetje dhe ndihmesë në realizimin e mjekimit modern dhe të plotë të këtyre pacientëve, ka shtuar tutje Hyseni.

 

Në Qendrën Klinike Universitare të Kosovës thonë se përdorimi i këtij produkti do të ndikojë direkt në ofrimin e vazhdimësisë së mjekimit, përmirësimin e rezultateve të mjekimit dhe përmirësimin e cilësisë së jetës së pacientëve.

 

Ministri i Shëndetësisë në Qeverinë e Kosovës, Imet Rrahmani, ka bërë të ditur se buxheti për barna për trajtimin e sëmundjes së kancerit për këtë vit është 5 milionë euro, dhe se me këtë buxhet nuk do të mund të mbulojnë 100 për qind barrën e sëmundjes. Ai shton se institucionet publike shëndetësore gjatë vitit 2015 kanë qenë të mbuluara mirë me terapi kundër kancerit. /evropaelire.org

image

 

Dy ditë para se referendumi të vëndosë mbi të ardhmen e Britanisë, nuk është e qartë nëse shumica e votuesve do të mbështesin qendrimin në Bashkimin Evropian apo largimin nga blloku. Vrasja javën e kaluar e një ligjvënësje britanike që mbështeste qendrimin në bllokun 28 vendësh, duket se ka nxitur disa votues të ndryshojnë qendrimin.

 

Ligjvënësit britanikë u kthyen nga pushimet të hënën për të nderuar ligjvënësen e Partisë Laburiste Jo Cox, vrasja e së cilës duket se kishte motive politike. Kryeministri David Cameron citoi fjalë të zonjës Cox gjatë apelit për unitet.

 

“Për të kujtuar Jo, të përsërisim të vërtetën që tha ajo në Parlament dhe e di që do të citohet disa herë sot: ‘Ne jemi më të bashkuar dhe kemi më shumë gjëra të përbashkëta se sa gjëra që na ndajnë’.”

 

Britania duket të jetë e ndarë në mes lidhur me anëtarësinë në BE sikurse edhe politikanët. Kryeministri ka argumentuar me pasion kundër largimit, por disa nga miqtë e tij kornservatorë thonë se vendi ka humbur shumë sovranitet tek Brukseli. Boris Johnson është ligjvënës koservator në parlamentin britanik.

 

“Kjo nuk egziston askund tjetër në botë në këtë lloj eksperimenti për ngjitjen e shteteve sëbashku për të krijuar një supershtet, Shtetet e Bashkuaa të Evropës. Është jodemokratike.”

 

Shumë britanikë hedhin poshtë rregullat e BE për imigracionin nën drojen se do të bëhen barrë e sistemit. Por largimi nga blloku do të kishte pasoja më të rënda ekonomike. Mark Mobius është specialist i financave me Tempelton Markets në Hong Kong.

 

“Ndikimi do të ishte negativ sepse Britania në Evropë nënkupton një bllok tregtar. Është më lehtë për importin dhe eksportin si dhe shtrirjet e tjera. Largimi do të ishte një bilanc negativ.”

 

Administrata amerikane ka shprehur mbështetje për qëndrimin e Britanisë në BE, por Shtëpia e Bardhë tha të henën se vendimi i takon popullit britanik. Josh Earnest është zëdhënës i Shtëpisë së Bardhë.

 

“Britanikët do të vendosin për atë që besojnë se është në interesin e tyre më të mirë për vendin, por presidenti e ka bërë të qartë se çfarë është në interesin më të mirë të Shteteve të Bashkuara. Duke patur parasyshë marrëdhëniet speciale mes dy vendeve tona, ne besojmë se kjo ka rëndësi.”

 

Anketat e fundit tregojnë se prirja për largimin nga blloku ka rënë që nga vrasja e ligjvënëses Cox të enjten. Por shumë votues ende mbeten të pavëndosur. /zeriamerikes.com

image

 

Drejtori i Agjencisë Qendrore të Zbulimit, John Brennan, tha sot se në botë ka dhjetëra mijëra luftëtarë të Shtetit Islamik, më shumë se sa kishte Al-Kaeda në kulmin e veprimtarisë së saj.

 

Ai tha në një seancë të Komisionit të Zbulimit të Senatit se CIA vazhdon të jetë e shqetësuar për rritjen e rolit të Libisë si bazë e operacioneve për militantët e Shtetit Islamik, i cili ka atje 5 deri në 8 mijë luftëtarë.

 

Zoti Brenan u tha senatorëve se Grupi Shteti Islamik po studion mundësinë për të futur operativët e tij në Perëndim, me anë të grupeve të refugjatëve, nëpërmjet trafikimit të personave dhe mjeteve të ligjshme të udhëtimit.

 

Drejtori i CIA-s tha se, ashtu siç u vu re edhe në ngjarjet e Orlandos dhe San Bernardinos në SHBA, ISIS-i po përpiqet të frymëzojë sulme terroriste nga e simpatizantëve, të cilët nuk kanë lidhje të drejtpërdrejta me këtë grup. /zeriamerikes.com

image

 

"Libri i ri më bëri të jem ndër shkrimtarët e rinj më të lexuar në vend" pohon autori i librit Ermal Qori. "Numëroj mbi 4000 përcjellës brenda një periudhe shumë të shkurtër. Libri i ri "Aforizma" gjendet në të gjitha libraritë e Shqipërisë.

 

Disa të dhëna për autorin:
Ermal Qori është 20 vjeç nga Berati, e që aktualisht jeton në Tiranë. Angazhimi i tij në art është gjithpërfshirës ku veçohen disa role në filma, shfaqje e mbrëmje poetike. Projekti i fundit me të cilin po punon autori është filmi "Fotografia".

image

 

Gjermania nuk do ta ratifikoj marrëveshjen për pranimin e Serbisë në Bashkimin Evropian, nëse Kosova nuk bëhet anëtare me të drejta të plota në Kombet e Bashkuara, i është thënë gazetës beogradase, Danas, në Bundestagun e Gjermanisë.

 

“Kreut shtetëror të Serbisë i është thënë para dy vitesh se anëtarësimi i Kosovës në OKB do të jetë njëri nga kushtet që Serbia të pranohet në BE”, ka theksuar njëri nga deputetët e koalicionit qeveritar ndërmjet Unionit Demokristian dhe Unionit Socialkristian (CDU/CSU), që ka dashur të mos i përmendet emri.

 

Mëtutje, siç raporton agjencia Beta, ky deputet ka theksuar se ky qëndrim i Gjermanisë i është kumtuar Serbisë kur është biseduar për marrëveshjen e Brukselit ndërmjet Serbisë dhe Kosovës.

 

“Atëherë kemi thënë se nuk do ta ratifikojmë anëtarësimin e Serbisë në BE, nëse Serbia nuk pranon që Kosova të bëhet anëtare e plotfuqishme e Kombeve të Bashkuara” ka thënë ky burim i gazetës beogardase, Danas. /evropaelire.org

 

© 2012 - 2017 Piskama.com
Të gjitha të drejtat janë të rezervuara.
www.fatcow.com