Piskama e dites

"NJERËZIT ME PASION MUND TA NDRYSHOJNË BOTËN PËR TË MIRË."


- Steve Jobs

image

 

E gjitha kishte filluar rreth dy vjet më parë. Në maj të vitit 1960, pak para një samiti të planifikuar e të shumëpritur në Paris, mes superfuqive botërore, në kontekstin e Luftës së Ftohtë, u rrëzua në qiejt rusë një aeroplan spiun U-2, “Lady Dragon”.

 

Incidenti krijoi një trazirë në mbarë botën, duke qenë se shkelja e hapësirës ajrore mes dy fuqive armike, do të thoshte ndezje e shkëndijës së luftës bërthamore, në një kohë tejet të vështirë për administratën në largim të Eisenhouerit. Në komandë të avionit stratosferik ishin Francis Gary Pouers, pilot i forcave ajrore amerikane, dhe agjent i CIA-s.

 

Aeroplani u rrëzua teksa fluturonte shumë ulët për të shmangur raketat balistike sovjetike, që e goditën mbi qytetin e Sverdlovskut. Eisenhoueri besonte se Pouersi nuk i kishte mbijetuar përplasjes, ose që kishte përdorur agen e vogël me cianur, që u jepej spiunëve. U përgënjeshtrua menjëherë nga Hrushovi, i cili shfaqi në televizion mbetjet e avionit U-2 dhe një Pouers në gjendje të mirë shëndetësore, duke hedhur pashmangshmërisht poshtë, deklaratën e rrejshme të amerikanëve, se fluturimi ishte një mision meteorologjik që kish përfunduar jashtë kursit, duke e nxjerrë SHBA në një pozicion të keq para opinionit publik ndërkombëtar.

 

Në vitin 1957 u arrestua Koloneli Rudolf Abel, spiun i KGB me origjinë gjermane, në sajë të zbulimit rastësishëm të një (monedhe 10 cent) që kish përfunduar rastësisht në duart e një djali të ri, i cili aksidentalisht zbuloi përmbajtjen, një kod për ndërlidhjen e agjentëve të KGB-së në SHBA.

 

Kur u vendos shkëmbimi mes dy të burgosurve, president i SHBA ishte John F. Kennedy dhe Pouers kishte vuajtur dy vjet në burgjet sovjetike. Në 10 shkurt 1962 dy fuqitë shkëmbyen spiunët e tyre përgjatë urës së Glienickes, në kufirin midis dy Gjermanive.

 

Pasi u kthye në SHBA, Pouers do të ndiqej penalisht për mos respektim të planeve të fluturimit dhe procedurave për shkatërrimin e materialeve, si dhe ndoshta vetëvrasjen e tij – Gjykata e Lartë e liroi përfundimisht nga akuzat duke e quajtur një patriota. Pouers do të kthehej në kolaudues profesional për Lockheed, dhe më pas pilot helikopterësh për televizionet. Gjatë një fluturimi për televizionin ku punonte në vitin 1977 helikopteri i tij u rrëzua, duke shkaktuar vdekjen e një prej spiunëve më të famshëm të Luftës së Ftohtë.

 

Ky fakt historik frymëzoi edhe Steven Spielbergun, që solli në vitin 2015 në kinema filmin “The bridge of Spies” (Ura e spiunëve), me Tom Hanks si aktor kryesor. /bota.al

image
image
image
image

 

Fusha e teknologjisë mund të jetë sfiduese dhe, që të jesh i mirëinformuar rreth teknologjisë së re, kjo mund të jetë e vështirë dhe e komplikuar. Por, është me rëndësi të mbajmë parasysh se qëllimi i saj është të lehtësojë jetën tonë dhe se gjithë kjo teknologji mund të shndërrohet në telajon e ëndrrave tona për të ardhmen. Zëri i Amerikës shqyrton disa nga idetë më të fundit të novacionit teknologjik.

 

Sa mirë do të ishte nëse një shërbim taksi pa shofer vjen të të shpëtojë nga trafiku.

 

“Mendojmë se duke kombinuar udhëtimin në ajër dhe tokë do ta shfrytëzojmë më mirë hapësirën e qyteteve tona”, thotë Mathias Thomsen, i firmës “Airbus Urban Air Mobility”.

 

Një kapsulë për rrugën, qiellin dhe shinat është ëndrra e kompanisë së dizenjimit të makinave “Italdesign”, që u paraqit në panairin e makinave të Gjenevës.

 

Dhe nëse ju duhet të dërgoni një email të shpejtë, apo një mesazh pa shtypur gërmat, ju ndihmon “Senstone”.

 

Është një varëse e vogël që mund ta mbani në qafë ose në kyç.

 

Vetëm e prek dhe i flet. Aplikacioni i saj përkthen në çast fjalët e folura në fjalë të shkruara dhe i transmeton nëpërmjet mesazhit apo email-it.

 

Projekti u financua nga një fushatë mbledhje fondesh dhe ekipi ideues ukrainas shpreson ta hedhë në treg paisjen në muajin korrik.

 

Dhe së fundi, një mënyrë e re për ta mbajtur biçikletën të sigurtë dhe për ta monitoruar nëpërmjet telefonit.

 

Paisja e quajtur “Bisecu” është dizenjuar nga një grup inxhinierësh koreanojugorë. Ajo montohet në rrotën e përparme dhe kyçet, ose hapet, nëpërmjet telefonit.

 

Nëse biçikleta lëvizet, aktivizohet një alarm dhe pronari njoftohet me mesazh.

 

Pajisja u prezantua këtë vit në Kongresin Botëror të Paisjeve të Lëvizshme, dhe mendohet të hyjë në treg gjatë këtij viti. /zeriamerikes.com

image

 

Sa më shumë të reja zbulon shkenca për të jetuarit shëndetshëm, aq më shumë forcohet ideja se të jesh në formë, mendërisht e fizikisht, duhet të lëvizësh sa më shumë. Çka mund të jetë e vështirë në këto kohë kur shumë njerëz janë të detyruar të rrinë ulur në tryezën e punës gjatë gjithë ditës. Sipas një studim të kohëve të fundit, edhe nëse qëndron në karrige për një kohë të gjatë, pak orë ecje në javë do të mjaftonin për të qendruar në formë.

 

Shumë të punësuar në kohët e sotshme kalojnë një kohë të gjatë ulur. Ulur gjatë rrugës për në punë, pastaj gjatë vetë orarit të punës...Pastaj kur kthehen në shtëpi, përsëri ulen... përpara televizorit..Nuk ka pra asnjë dyshim se gjithë kjo kohë ulur sjell pasoja negative në shëndet.

 

Por një studim i fundit nga shkencëtarë në Britaninë e Madhe dhe Australi ka bërë disa zbulime interesante. Pikë së pari, jo të gjitha mënyrat e të qëndruarit ulur sjellin të njëjtat pasoja. Emmanuel Stamatakis është me Universitetin e Sidneit.

 

"Ajo çka jemi duke bërë teksa jemi ulur është e rëndësishme për studimin, sepse njerëzit thuajse kurrë nuk rrinë thjesht ulur, por janë duke bërë diçka tjetër në të njëjtën kohë. Ulen për të punuar, për të parë televizor, për t’i dhënë makinës dhe deri në njëfarë pike, ndikimi që ka të qëndruarit ulur te shëndeti varet edhe nga ajo çka jemi duke bërë paralelisht.”

 

Për shumë kohë është menduar se ka një lidhje midis të qëndruait ulur, pa u marrë me asgjë tjetër, dhe diabetit të tipit 2 apo kancerit. Por këto studime tregojnë se të qenit i shëndetshëm ka më tepër lidhje me atë që bën pas një dite të gjatë ulur në karrige.

 

"Stili i të jetuarit ka shumë elemente, nuk është vetëm “të qëndruarit ulur”. Për ata që merrem me aktivitet fizik madje, ky është ndoshta një detaj i dorës së dytë. Por nuk duhet të harrojmë se realiteti dëshmon se jo shumë njerëz janë fizikisht aktivë. Pjesa dërrmuese ushtrohet pak dhe është pak aktive."

 

Studimi doli në përfundimin se qoftë edhe pak minuta ushtrime në javë veprojnë si kundërpeshë ndaj të qëndruarit ulur gjithë ditën.

 

"Duhet të theksojmë se ata që morën pjesë në këtë studim ishin punonjës zyre shumë aktivë fizikisht, që bënin afërsisht 45 minuta ecje në ditë. Kjo është shumë dhe ndoshta është pikërisht ky nivel i lartë aktiviteti fizik që i ka mbrojtur ata nga diabeti. Në këto raste, të qëndruarit ulur për shumë kohë nuk përbën më një poblem shqetësues."

 

Grupi i shkencëtarëve doli pra në përfundimin se të ndejturit ulur nuk është problemi i vërtetë, por është mungesa e aktivitetit fizik ajo që vret përafërsisht pesë milionë njerëz në vit. Ndaj, nëse do që të mbrosh shëndetin, sigurohu të lëvizësh në ato momente kur nuk je i detyruar të rrish ulur. /zeriamerikes.com

image

 

Autoritetet amerikane të emigracionit arrestuan qindra imigrantë që jetojnë në mënyrë të paligjshme në Shtetet e Bashkuara në të gjithë vendin këtë javë në bastisje në disa shtete. Autoritetet thonë se operacionet ishin rutinë dhe nuk kishin lidhje me urdhrat e fundit ekzekutivë të nënshkruar nga presidenti Donald Trump. Megjithatë, vetë presidenti Trump shkruajti në Twitter sot se masat ndaj kriminelëve që janë imigrantë të paligjshëm, janë “thjesht mbajtja e premtimit” që ai bëri gjatë fushatës.

 

Bastisjet kishin si objektiv kapjen e imigrantëve të paligjshëm që kanë kryer krime, sipas zyrtarëve të agjencisë federale për Imigracionin dhe Doganat.

 

Agjentët i kryen bastisjet në të paktën gjashtë shtete, përfshirë në qytete si Atlanta, Çikago, Nju Jorku dhe Los Anxhelesi. Në Los Anxheles. u arrestuan më shumë se 160 persona gjatë javës.

 

Duke folur për gazetarët të premten pas një vizite dy-ditore në kufirin jugor, Sekretari amerikan për Sigurinë Kombëtare John Kelly tha se autoritetet thjesht po zbatojnë ligjin.

 

“Para së gjithash ata nuk po arrestojnë njerëzit në masë. Njerëzit që agjentët kanë kapur janë të paligjshëm dhe mund të kenë kryer krime. Mora sot pjesë në dy kontrolle para orës 6.00 të mëngjesit; shkuam në një shtëpi, trokitëm në derë dhe morëm një individ shumë të keq, një mashkull në paraburgim. Pastaj shkuam në një shtëpi tjetër dhe agjentët morën dy njerëz – të parin kishin kohë që e kërkonin dhe doli që edhe personi i dytë kishte shkelur ligjin. Pra, në të gjitha këto natyrisht agjentët po zbatojnë ligjin”.

 

Por grupet për të drejtat e imigrantëve thonë se agjentët po kapin njerëz të shumtë kudo në vend, për shkak të zbatimit të intensifikuar, në përputhje me urdhrat e presidentit Trump. Agjencia për Imigracionin dhe Doganat i quajti veprimet e fundit thjesht një “rritje në zbatimin e ligjit” dhe nuk ndryshon nga veprimet e ndërmarra në të kaluarën.

 

Bastisjet kanë rezultuar në protesta të shumta në të gjithë vendin, duke përfshirë qytetin e Austin-it të Teksasit, në të cilin vlerësohet se gjenden rreth 100 mijë emigrantë pa dokumenta si pjesë e popullsisë së qytetit.

 

Zoti Trump nënshkroi një urdhër ekzekutiv muajin e kaluar për të kërkuar rreth 11 milionë imigrantët pa dokumenta që jetojnë në vend. /zeriamerikes.com

Hans Rosling ishte akademik i mjekësisë dhe profesor, i lindur në Uppsala të Suedisë.

 

Ai shquhej për prezantimet e tij të gjalla dhe me plot të dhëna (data). Kjo është një nga viti 2006.

 

image
 

© 2012 - 2017 Piskama.com
Të gjitha të drejtat janë të rezervuara.
www.fatcow.com