Piskama e dites
Personi më i rrezikshëm është ai i cili dëgjon, mendon dhe vëzhgon.

- Bruce Lee
image

 

Në studimin më të madh të këtij lloji, realizuar ndonjëherë, shkencëtarët analizuan të dhënat e gjysmë milioni njerëzve nga dhjetë shtete europiane për të zbuluar efektin e kafesë në shtimin e jetëgjatësisë...

 

Kokrra magjike e kafesë; shumë njerëz i shpëton nga gjumi i mëngjesit dhe tani, me shumë gjasa, të zgjat jetën.

 

Për mëse 20 vjet, këtu është provuar dhe prodhuar kafe artizanale për njerëz të sërës së lartë.

 

Në atë kohë, të dhënat mbi ndikimin e kafesë në shëndetin e njeriut kanë qenë të ndryshme.

 

Studiues të Agjencisë Ndërkombëtare të për Kërkimet mbi Kancerin (ANKK) dhe Kolegji Imperial në Londër, dolën në përfundimin se, një konsumim më i madh i kafesë pakëson rrezikun për të vdekur nga çfarëdolloj shkaku, veçanërisht nga sëmundje kardiovaskulare dhe të aparatit tretës.

 

“Nuk e kuptoj pse vite më parë konsumimi i kafesë është parë si diçka negative, prandaj më vjen mirë që informacionet po balancohen”, thotë Stephen nga Mercanta Coffee.

 

Por informacionet jo thjesht po balancohen, por ato po anojnë më tepër nga efektet pozitive të kafesë.

 

Shkencëtarët studiuan mbi gjysmë milione njerëz në dhjetë vende të Europës për marrëdhënien e tyre me kafenë.

 

Pas 16 vitesh studimi, ata dolën në përfundimin se ata që konsumonin më shumë kafe, rrezikonin më pak të vdisnin nga shkaqe të ndryshme. Meshkujt që pinin të paktën tre kafe në ditë, kishin 18 përqind më pak gjasa të vdisnin nga sëmundje të ndryshme, se ata që nuk pinin kafe fare. Për femrat ishte shtatë përqind.

 

Profesori Elio Riboli nga Kolegji Imperial në Londër thotë: “Ajo që ka më tepër rëndësi është se rezultatet ishin të njëjta në dhjetë vende europiane, edhe pse për lloje të ndryshme kafeje, që nga ekspresi te kafeja norvegjeze me filtër. Doli se kishte një lidhje midis konsumimit të kafesë dhe jetëgjatësisë në këto popullata”.

 

Shkencëtarët tani po përpiqen të kuptojnë se cila kafe është më e mira dhe përse.

 

Ata që e kanë lënë kafenë, tani mund ta mendojnë edhe njëherë.

 

Ky studim u publikua në revistën Annal of Internal Medicine. /zeriamerikes.com

image

 

Një ilaç që vepron si një vaksinë ka treguar të ulë kolesterolin e keq ose LDL dhe të zvogëlojë sasinë e pllakëzave yndyrore që shkaktojnë sulme në zemër. Ilaçi i quajtur AT04A, është një formë imunoterapie që synon një enzimë, të quajtur PCSK9, e cila kontribuon në formimin e pllakëzave të dëmshme në arteriet koronare.

 

Në studimet e minjve të ushqyer me yndyrë, dieta të stilit perëndimor, duke i vënë ata në rrezik për sëmundje të zemrës, mjekët panë se ilaçi uli sasinë e përgjithëshme të kolesterolit me 53 për qind dhe zvogëloi pllakëzat aterosklerotike me 64 për qind, thotë Oliver Siegel i firmës austriake farmaceutike AFFiRiS.

 

"Më e rëndësishmja është se në minj, ne kemi parë një pakësim shumë të rëndësishëm të këtyre pllakëzave. Si rezultat, ne besojmë se reduktimi i LDL do të sjellë një përfitim klinik, dmth pakësimin e pllakëzave yndyrore, dhe inflamacioneve që përbëjnë shkakun e goditjeve në zemër".

 

AT04A ishte në gjendje të ndikojë sistemin imunitar për të prodhuar antitrupa që bllokojnë enzimin PCSK9 në qarkullimin e gjakut tek minjtë në studim. Studimi u botua në revistën European Heart.

 

Qasja imunoterapeutike, sipas zotit Siegel, është e ngjashme me një vaksinë në kuptimin që nuk ka për qëllim bakteret dhe viruset, por vetëm enzimën e dëmshme.

 

Duke komentuar mbi studimin, Ulrich Laufs nga Universiteti Saarland në Gjermani dhe Brian Ference nga Universiteti i Bristol, vunë në dukje se njerëzit që marrin ilaçe për uljen e kolesterolit, duke përfshirë AT04A, mund të kenë një rrezik në rritje për zhvillimin e diabetit.

 

Por zoti Siegel thotë se studimet e deri tanishme nuk kanë arritur në ndonjë përfundim të tillë.

 

Aktualisht, shumë njerëz me nivele të larta kolesteroli marrin ilaçe të përditshme që ulin kolesterolin LDL. Por, Siegel thotë se përputhshmëria është më pak se ideale.

 

"Ajo që disa studime kanë treguar është se pacientët, të cilët kanë patur një goditje në zemër, me ilaçin e ri këta pacientë do të kishin relativisht më pak gjasa për t’u prekur dhe pacientët të cilët nuk kanë patur një goditje në zemër do të kishin akoma më pak gjasa për t’u prekur prej goditjes", thotë zoti Siegel.

 

Pllakëzat e yndyrës që zhvillohen në enët e zemrës mund të pengojnë rrjedhën e gjakut, duke shkaktuar goditje në zemër. Nëse një pllakës udhëton në tru, ajo mund të shkaktojë goditje. Sëmundjet e arterieve koronare janë shkaku kryesor i sëmundjeve dhe vdekjeve në mbarë botën.

 

Zoti Siegel thotë se ilaçi i ri mund të injektohet në lëkurë një herë në vit si imunizim. Pas përfundimit të studimeve edhe në njerëz, ilaçi për uljen e kolesterolit dhe pengimin e pllakëzave yndyrore mund të dalë në tregun farmaceutik brenda pak viteve të ardhshme. /zeriamerikes.com

image

 

Kohët e sotme, për shkak të mediave sociale, njerëzit kanë vështirësi të dallojnë se cilët lajme që ata lexojnë janë të vërteta dhe se cilët janë të rreme.

 

Në konferencën e tij të parë për shtyp zoti Trump, në atë kohë president i zgjedhur, përdori fjalët “lajme të rreme”. Që atëhere termi u bë më i zakonshëm dhe presidenti Trump ka akuzuar shpesh mediat e njohura amerikane për publikimin e lajmeve të rreme. Këto akuza akuza ai shpesh i bën në faqen e tij të Twitter-it.

 

Edhe pse shumica e lajmeve janë të sakta, përmes mediave sociale shpërndahen shumë informacione të rreme.

 

Por nga vijnë këto lajme të rreme?

 

Duket se një vend i vogël evropian, Maqedonia, është një qendër e lajmeve të rreme. Një titull i një lajmi jo të vërtetë të kohëve të fundit, “Presidenti Trump nënshkruan një ligj për udhëtim pa viza për Maqedoninë”, krijoi mjaft reagime në vend. Zëri i Amerikës pyeti ambasadorin e Maqedonisë në Uashington nëse ky lajm ishte i vërtetë:

 

“Për fat të keq ky lajm nuk është i vërtetë. Shumë qytetarë kanë telefonuar ambasadën tonë në Uashington për të konfirmuar nëse kjo është e vërtetë, apo jo. Për momentin ky vendim nuk është i vërtetë dhe është pjesë e të ashtuquajturave “lajme të rreme’”, thotë ambasadori i Maqedonisë në Shtetet e Bashkuara, Vasko Naumovski.

 

Sipas drejtorit të Shkollës së Medias të Universitetit “George Washington”, Frank Sesno, mediat sociale janë versioni modern i fqinjëve që bëjnë thashetheme në lagje – por me ndikim shumë më të gjerë:

 

“Lajmi i rremë nuk është një lajm që dikujt nuk i pëlqen, nuk është sensacional, dhe as një shkrim i keq, apo një analizë e dobët. Lajmi i rremë është qëllimish i pasaktë dhe mashtrues”, - thotë profesor thotë Frank Sesno.

 

Ai thotë se lajmet e rreme gjenden kudo dhe se njerëzit duhet të marrin përgjegjësinë për të zbuluar se çfarë informacioni është i pasaktë dhe çfarë nuk është; kjo përgjegjësi bie dhe tek kompanitë e mediave sociale.

 

“Google dhe Facebook dhe kompanitë e mediave sociale do të duhet të pranojnë një lloj përgjegjësie, sepse ato nuk janë një kanal neutral informacioni ku të gjitha informacionet janë të besueshme. Nëse lajmet janë një mjet që nxisin urrejtje, kompanië e mediave sociale kanë përgjegjësi; tani ato kanë pranuar se diçka duhet bërë” - shton gazetari Sesno.

 

Zoti Sesno sugjeron se mediat e përgjegjshme duhet të kontrollojnë faktet e atyre të papërgjegjshme, që përpiqen të përhapin informacion të pasaktë. /zeriamerikes.com

image

gjatë inaugurimit të Organizatës Evropiane për Hulumtime Nukleare (European Organization for Nuclear Research - CERN), në Meyrin afër Gjenevës, Zvicërr.

 

Pas incidenteve të mëdha në disa uzina bërthamore të botës, presioni i publikut çoi në thuajse braktisjen e kësaj teknologjie. Por, prodhuesit thonë se reaktorët bërthamorë të gjeneratës së re janë shumë më të sigurtë dhe se përdorimi i tyre ul ndjeshëm ndotjen e ajrit që shkakton ngrohjen globale.

 

Shembja e një tuneli me mbetje radioaktive në një objekt të shtetit Uashington, ku dikur prodhohej plutonium për armët bërthamore, ringjalli shqetësimet për teknologjinë e vjetëruar bërthamore.

 

“Askush nuk e di se për sa kohë ka qenë i hapur tuneli. Ata thonë se asgjë nuk ka dalë prej andej, por kjo është gënjeshtër”, thotë Lonnie Rouse, ish-punonjës në këtë zonë.

 

Në momentin e shembjes nuk pati persona të pranishëm, prandaj askush nuk u ekzspozua ndaj rrezatimit. Por, autoritetet pranojnë se shumë prej uzinave të vjetra bërthamore kanë degraduar përtej pikës së riparimit.

 

“Do të bëjmë një studim për të kuptuar si ndodhi dhe si ta parandalojmë në të ardhmen. Për më tepër, duhet të mendojmë se si t’i menaxhojmë këto mbetje”, tha Sekretari i Energjisë, Rick Perry.

 

Duhet shumë kohë dhe fonde për të zbatuar masa të rrepta sigurie gjatë pastrimit të ish-reparteve bërthamore, dekontaminimit të zonës, si dhe depozitimit të sigurtë të mbetjeve bërthamore.

 

Në Itali, 30 vjet pasi qeveria vendosi të mbyllë të katër centralet e saj bërthamore, puna ende vazhdon në ish uzinën Garigliano.

 

“Synimi është të arrijmë të ashtuquajturën ‘fushë të gjelbër, pra ta lëmë zonën të disponueshme për ndërtim apo aktivitete civile”, thotë Alessandro Dodaro, i Autoritetit Bërthamor të Italisë.

 

Në Kinë, gjenerata e re e stacioneve bërthamore shikohet si zgjidhja më e mirë për problemin madhor të ndotjes së ajrit. Gjatë një ekspozite në Pekin, kompani kineze dhe ndërkombëtare konkuruan duke paraqitur teknologjinë e tyre më të fundit.

 

“Ka presion të jashtëzakonshëm për të ulur ndotjen dhe zgjidhja më e mirë është zhvillimi i energjisë së pastër. Energjia bërthamore, si një ndër energjitë kryesore të pastra, ka avantazhin e saj. Ajo është më e qëndrueshmja dhe mund të ofrojë elektricitet 24 orë në ditë”, thotë Zhang Huazhu, i Shoqatës Kineze të Industrisë së Energjisë Bërthamore.

 

Sidoqoftë, pas incidentit të vitit 2011 në Fukushima të Japonisë, publiku në Kinë, ashtu si në Itali, është ende i shqetësuar për sigurinë.

 

“Jemi gjithnjë të shqetësuar, megjithëse centrali nuk funksionon më”, thotë Rodolfo Tirimbo, banor në zonën pranë uzinës Garigliano.

 

Ekspertët e energjisë bërthamore thonë se një mundësi për të zbutur shqetësimet ndaj energjisë bërthamore do të ishin ndoshta uzinat që pluskojnë në det, larg zonave të banuara. /zeriamerikes.com

image

 

“Thelocal.ch” ka bërë një përmbledhje me 32 rekorde që mbahen nga Zvicra dhe zviceranët, derisa albinfo.ch, ju sjell dhjetë prej tyre.

 

Rekordet janë në fushën e shkencës, zbulimit, sportit, ushqimit dhe shumë rekorde të tjera interesante.

 

Tuneli më i gjatë i trenit në botë – “Gotthard Base Tunnel” është hapur në dhjetor të viti 2016. Ky tunel është 57 km i gjatë dhe është tuneli më i gjatë i trenave në botë. Ai shkurtoi kohën e udhëtimi dhe nga Cyrihu në Lugano udhëton për 45 minuta. Ky projekt zgjati 20 vjet dhe u hap sipas kohës. Sa shumë zvicerane.


Hekurudha më e madhe me rrota në botë: Pilatusbahn-Është hapur më 1889 dhe kjo hekurudhë është pranë liqenit të Lucernit dhe është e gjatë mbi 4 km me 1635 metra lartësi. Shpejtësia maksimale e saj është 9 km/orë.


Shkallët më të gjata në botë: Niesen-Shkallët më të gjatë në botë hapen vetëm një herë në vit. Është e vendosur përgjatë vijës hekurudhore në Alpet Bernese, dhe 11.674 hapa, që shtrihen në një pjerrësi prej 3.4 km. Çdo qershor është e hapur dhe është një garë rraskapitëse se kush ngjitet më së shpejti.
Makina e parë rrotulluese: Titlis-Gjithashtu është e vendosur pranë liqenit të Lucernit dhe “Titlis Rotair” rrotullohet 360 gradë, pasi transporton shikuesit, por edhe skiatorët deri në lartësinë 3020 metra.


Ura më e frikshme në botë: Titlis Cliff Walk-Është e gjerë vetëm një metër, derisa është 100 metra e gjatë dhe është e lidhur 500 metra mbi një akullnajë. Është e vendosur 3000 metra mbi nivelin e detit në malin Titlis dhe u quajt ‘ura më e frikshme në botë’ nga një gazetë në Mbretërinë e Bashkuar kur u hap më 2012. Sigurisht kjo është një çështje mendimi.


Ura e vetme lidhëse në pikën më kulmore në botë: Glacier 3,000-Kjo është hapur më 2014. “Tissot Peak Walk” është një urë lidhëse 107 metra që lidh Glacier 3,000 me Scex Rouge. Është ura e vetme në botë për të lidhur dy majat e maleve.


Gara më e gjatë e skijimit në botë: Lauberhorn-Wengen-Kjo garë mbahet në janar dhe gara e famshme është 4.4 km e gjatë. I pari është mbajtur më 1930. Ngjarja transmetohet në televizionin zviceran dhe tërheq më shumë se një milion shikues për çdo vit.


Gara më e gjatë e vozitjes në barkë: Tour du Lac-“Tour du Leman a l’Avel apo Tour du Lac, është gara më e gjatë e cila mbulon 160 km në Liqenin e Gjenevës. Gara mbahet gjatë muajit shtator.


Rekordi në paraglajdizëm: Zvicra-Ekipi zviceran ka fituar kampionatin botëror shtatë herë nga viti 1991 deri më 2005.


Rekordi i Roger Federer- Tenisti zviceran në janar fitoi Grand Slemin e 18-të në karrierë. Këtë e arriti në “Australian Open”. Martina Navratilova e ka arritur këtë në konkurrencën e femrave.


Zvicra mban edhe shumë rekorde tjera në sport, shkencë, ushqim, dhe gjëra jashtëzakonisht interesante. /albinfo.ch

 

© 2012 - 2017 Piskama.com
Të gjitha të drejtat janë të rezervuara.
www.fatcow.com