Piskama e dites
"AS NË ËNDËRRAT E MIJA MË TË ÇMENDURA, NUK DO TA IMAGJINOJA NJË JETË MË TË MIRË"

- Hugh Hefner, 9 Prill 1926 - 27 Shtator 2017
image

 

Gjatë vitit 2016, teknologjia njohu disa përparime të rëndësishme por edhe pengesa. Makinat me vet-ngarje filluan të shfaqen nëpër rrugë, ndërsa disa firma private për eksplorimin e hapësirës panë raketat e tyre të shpërthenin në platformat e lëshimit. Megjithatë, teknologjia vazhdon të premtojë një të ardhme më të mirë.

 

Makinat elektrike nuk janë më një risi, sepse kompanitë po shpejtojnë drejt teknologjisë së vet-ngarjes.

 

Pavarësisht disa aksidenteve, njëra fatale, auto-industria po nxit shtytjen për automjete me nivele të ndryshme pavarësie nga shoferi gjatë ngarjes – nga ato kur shoferi mund të marrë drejtimin kur të dojë e deri tek ato që mësojnë nga eksperienca në rrugë. ​

 

“Kur një makinë vet-ngarëse ndeshet me këtë situatë në të ardhmen, ne mund të studiojmë se si miliona njerëz reaguan në atë rast dhe të përzgjedhim variantin e duhur”, thotë Sravan Pattanguna me kompaninë “Civil Maps”

 

2016 po ashtu shënoi përhapjen e shumë lloje robotësh, të vegjë e të mëdhenj, në dukje si njerëzit apo si kafshët. Disa prej tyre ndihmojnë njerëzit e zakonshëm.

 

“Ndihmoj njerëzit të gjejnë me shpejtësi portën nga ku niset avioni i tyre dhe të mos vonohen.”

 

Por shumica janë ende platforma eksperimentale që ndihmojnë shkencëtarët në ndërtimin e pjesëve dhe programeve kompjuterike. Disa përdoren në industri dhe shkencë e madje edhe në sipërfaqen e planetit Mars.

 

Ndërsa dronët do të fillojnë të përdoren në dërgesat e mallrave.

 

Teknologjia mjekësore po ashtu njohu përparime. Nga rritja e indeve më pak të komplikuara, si kërci, deri tek eksoskeletë të kontrolluar nga truri që ndihmojnë njerëzit me aftësi të kufizuara të lëvizin.

 

“Përshembull, nëse dora po lëviz pa synimin tënd për ta lëvizur, ju mund ta bllokoni këtë veprim me lëvizjet e syrit”, thotë Surjo Soekadar me Universitetin Tubungen.

 

Printerat tre dimensional tani mund të prodhojnë pjesë të sofistikuara makinerishë.

 

“Po të shikosh është një stukturë si hojet e bletës që nuk mund të prodhohet me makineri si dikur. Fizikisht kjo është e pamundur.”

 

Një prej problemeve më të mëdha në teknologjinë e konsumit ishte nxjerrja e telefonit Galaxy 7 nga Samsung me një bateri shpërthyese. Samsung ofroi zëvendësimin që nuk e zgjodhi problemin dhe kështu u detyrua të braktisë këtë linjë.

 

Raketa pa njeri e kompanisë Space X shpërtheu në platformën e lëshimit duke shkatërruar ngarkesën me satelitë komercialë dhe ngadalësuar planet e kompanisë për udhëtime të rregullta komerciale në orbitën e ulët dhe Stacionin Ndërkombëtar të Hapësirës.

 

Edhe asistentët shtëpiakë, paisjet audiofonike që kuptojnë komandat me zë dhe kryejnë shumë detyra, u përhapën gjerësisht gjatë vitit 2016. Këta asistentë bëjnë kërkime në internet, mbajnë kalendarin apo luajnë muzikën tënde të preferuar.

 

Superkompjuteri Watson nga IBM kreu shumë punë në ndihmë të projekteve të mjekëve në mbarë botën. Një prej tyre po grumbullon dhe analizon të dhëna rreth sëmundjeve të rralla.

 

“Do të dyfishohen njohuritë në mjekësi. Për të shfrytëzuar gjithë këtë përmirësim të madh të dijeve mjekësore ne duhet të kemi sisteme asistentësh dhe programe kompjuterike.”

 

2016 po ashtu shënoi dobësi të konsiderueshme të rrjeteve kompjuterike, me grabitje të mëdha të informacioneve private duke bërë që ekspertët të jepnin alarmin se siguria kibernetike do të jetë një prej tendencave më të rëndësishme teknologjike të vitit 2017. /zeriamerikes.com

Modeli më i ri 'coupe' nga Bentley ka në total 710 kuajfuqi me motorr 6.0L V12, dhe shpejtësinë 0-100km/h e arrinë për 3.4 sekonda. Shpejtësia maksimale është në 336km/h.

 

Kjo është vetura më e shpejtë prodhuar ndonjëher nga Bentley. Në treg del gjatë vitit 2018. Çmimi nuk është bërë ende i ditur.

 

image
image
image
image
image

 

Prodhuesi i njohur gjerman Volkswagen vazhdon rrugëtimin drejt të ardhmes elektrike duke zbuluar furgonin koncept "ID Buzz" në panairin ndërkombëtarë të automjeteve në Detroit (NAIAS 2017).

 

Furgoni ka sistem katër-rrotësh të vozitjes me fuqi 369 kuajfuqi. Ka bateri 111 kWh e cila mbushet 80% për vetëm 30 minuta. Si alternativë, bateria mund t'i mbushet edhe përmes prizave të zakonshme shtëpiake.

 

image

 

ID Buzz është furgoni i parë autonom. Ai e din se kush është para timonit, falë teknologjisë Volkswagen User-ID. Ky është një profil individual i cili ruan veçoritë e karriges së shoferit, klimën, radio-stacionet e preferuara, veçoritë e sistemit të zërimit, ndriçimi i brendshëm dhe informatat e kontakteve të shoferit.

 

image

 

Nëse Volkswagen vlerëson se ID Buzz duhet të shkoj në prodhim, atëherë ky furgon do të dal në treg në vitin 2025.

 

image
image
image

Partia në pushtet në Serbi zotëron një ushtri të vogël, që lufton për të në internet. Me të krijohet një realitet paralel, në të cilin në Serbi të gjitha gjërat ecin si duhet dhe ku kritikët janë vetëm armiq të shtetit.

 

image

 

Kështjella, kështu e quan Marija "punëdhënësin" e saj të mëparshëm. Ajo qe angazhuar nga Partia serbe e Përparimit, e cila nën kryeministrin Aleksandar Vučić e drejton vendin gjithnjë e më shumë në të gjitha fushat në mënyrë autokratike. Prej kohësh ka pasur fjalë për një të ashtuquajtur ushtri "trollesh", personash që nxjerrin në internet në vazhdimësi komente false, të angazhuar në betejën e internetit.


Në forume, në komente dhe në rrjete sociale ata dalin të maskuar si "qytetarë normalë", të cilët brohorasin për qeverinë dhe shajnë kritikët. "Për mua qe e vështirë që ta bëja këtë, të fabrikoja afera të ndryshme, megjithëse e dija se bëhej fjalë për gënjeshtra", i tregoi Marija, e cila në të vërtetë quhet ndryshe, botimit serbisht të revistës Newsweek. Ajo është një ndër të paktat që ka folur për punën e saj si troll, edhe nëse e bëri këtë në mënyrë anonime. Ndoshta sepse Marija jeton sot jashtë vendit, e paarritshme edhe për krahun e gjatë të pushtetmbajtësve serbë.


Ajo që të frikëson në historinë e saj është para së gjithash niveli i organizimit - kontigjente trollesh ka në shumë qytete, zyra të fshehura, punë me turne dhe kapo, që vëzhgojnë gjithçka. Dhe ka para. "Të gjithë ne figuronim të punësuar si nëpunës civilë diku në administratën publike", pohon ajo. Paga: duke nisur nga 370 euro e lart, që i përgjigjet pagës mesatare në këtë vend të varfër ballkanik. "Puna si troll ishte për mua mbijetesa. Një punë për të qenë nuk gjeja dot, ky ishte burimi im i vetëm i të ardhurave."

 

Televizioni vjen i pari

 

Kryeministri popullor Vuçiç dhe partia e tij e Përparimit, erdhi pesë vjet më parë në pushtet dhe ka shënuar që atëherë vetëm fitore dërrmuese ndaj kundështarëve. Kjo në një kohë kur dora e fortë e Beogradit mblodhi në vitet nëntëdhjetë përvojë të mjaftueshme me propagandë dhe censurë. Në vitet e fundit të regjimit të Miloshevicit, kur pati shpërthyer lufta e Kosovës, nacionalisti luftarak Vučić ishte edhe ministër i Informacionit, një emërtim shumë thjeshtëzues. Sepse ajo që bënte ai ishin para së gjithash propaganda dhe censura. Por rikthimin në politikë me partinë e tij të re ai e festoi si politikan proevropian, i cili gjoja ka ndryshuar dhe që është i gatshëm të punojë ditë dhe natë për të mirën e popullit të tij. I parë me sytë e Brukselit, ai është një prototip i princit ballkanik, i cili para së gjithash bën një gjë - arrin rezultate.

 

image

 

Çelësi për popullaritetin e tij të pandërprerë janë stacionet televizive, që shihen në të gjithë vendin, thotë Mihailo Tesic. Eksperti i marketingut në Beograd kujton faktin që mesatarisht serbët vazhdojnë të rrinë pesë orë në ditë para televizorit dhe në sondazhe të ndryshme janë bërë disa herë kampionë bote. Nga ana tjetër, gjysma e popullatës e përdor internetin rregullisht, vetëm një e katërta informohet vetëm online, siç nxorri në pah një studim i qendrës kërkimore "Mendimi i ri politik i Serbisë".


"Interneti si kanal komunikimi është për qeverinë aq i rëndësishëm, sa e madhe është ushtria e saj e internetit", thotë Tesic në bisedë me DW. Nga kundërshtarët politikë dhe ata që mendojnë ndryshe kjo ushtri është zbuluar prej kohësh dhe ata tallen me të. Ajo i shërben në radhë të parë komentimit të teksteve në disa portale që ndiqen shumë. "Atje trollet duan të krijojnë përshtypjen se qytetarët e mbështesin pa rezerva politikën e qeverisë. Të tjerëve u mbetet vetëm të dorëzohen të demoralizuar", thotë Tesic.

 

Si lojë

 

Brenda për brenda, trupat e trollit i organizojnë aktivitetet e tyre si lojë, kjo dihet nga ata pak vetë që tregojnë. Ka disa platforma, ku drejtuesit e turnit ndajnë urdhërat dhe ku trollerat mund të shënojnë sa komente, pëlqej dhe tweet-e kanë postuar në to. Ato klasifikohen në bazë të sistemit të pikëve, prej të cilit varet vendi i tyre në hierarki si dhe paga. Megjithatë, komentet e trollereve mbeten shumicën e herëve pa fantazi. Veçanërisht i preferuar dhe i përdorshëm kudo është "Urime, Vucic". Punët e thjeshta e të fëlliqura teorikisht mund t'i kryejnë edhe bots, pra programe që hiqen sikur janë njerëz në internet. Por ato janë ende thjesht shumë budallaqe, për të shkruar si duhet në serbisht.


Fondacioni i Beogradit, Share, i cili studion mediet e reja thotë se në fillim "ne kujtuam se mediet sociale mund të jenë një themel i demokracisë, se e çlirojnë opinionin nga monopoli i informimit". Đorđe Krivokapić, drejtor i programit të fondacionit i thotë më tej DW: "Por kur nuk kemi liri në hapësirën reale, nuk mund të kemi as në atë digjitale." /Deutsche Welle Shqip

image

 

Me një motorr të ri me 2.5 litra 5 cilindrik, vetura tashmë arrinë shpejtësinë 100km/h për vetëm 3.6 sekonda. Motorri në total jep 395 kuajfuqi.

 

Interiori anon në koncept sportiv me shumë dekorime lëkure, fibra karboni, alumini.

 

Çmimi për Audi TT RS të re verzioni coupé fillon nga 60.500€ ndërsa 62.500€ për atë 'roadster'.

 

image image image image image image image image image
 

© 2012 - 2017 Piskama.com
Të gjitha të drejtat janë të rezervuara.
www.fatcow.com