Piskama e dites
Personi më i rrezikshëm është ai i cili dëgjon, mendon dhe vëzhgon.

- Bruce Lee
image

gjatë inaugurimit të Organizatës Evropiane për Hulumtime Nukleare (European Organization for Nuclear Research - CERN), në Meyrin afër Gjenevës, Zvicërr.

 

Pas incidenteve të mëdha në disa uzina bërthamore të botës, presioni i publikut çoi në thuajse braktisjen e kësaj teknologjie. Por, prodhuesit thonë se reaktorët bërthamorë të gjeneratës së re janë shumë më të sigurtë dhe se përdorimi i tyre ul ndjeshëm ndotjen e ajrit që shkakton ngrohjen globale.

 

Shembja e një tuneli me mbetje radioaktive në një objekt të shtetit Uashington, ku dikur prodhohej plutonium për armët bërthamore, ringjalli shqetësimet për teknologjinë e vjetëruar bërthamore.

 

“Askush nuk e di se për sa kohë ka qenë i hapur tuneli. Ata thonë se asgjë nuk ka dalë prej andej, por kjo është gënjeshtër”, thotë Lonnie Rouse, ish-punonjës në këtë zonë.

 

Në momentin e shembjes nuk pati persona të pranishëm, prandaj askush nuk u ekzspozua ndaj rrezatimit. Por, autoritetet pranojnë se shumë prej uzinave të vjetra bërthamore kanë degraduar përtej pikës së riparimit.

 

“Do të bëjmë një studim për të kuptuar si ndodhi dhe si ta parandalojmë në të ardhmen. Për më tepër, duhet të mendojmë se si t’i menaxhojmë këto mbetje”, tha Sekretari i Energjisë, Rick Perry.

 

Duhet shumë kohë dhe fonde për të zbatuar masa të rrepta sigurie gjatë pastrimit të ish-reparteve bërthamore, dekontaminimit të zonës, si dhe depozitimit të sigurtë të mbetjeve bërthamore.

 

Në Itali, 30 vjet pasi qeveria vendosi të mbyllë të katër centralet e saj bërthamore, puna ende vazhdon në ish uzinën Garigliano.

 

“Synimi është të arrijmë të ashtuquajturën ‘fushë të gjelbër, pra ta lëmë zonën të disponueshme për ndërtim apo aktivitete civile”, thotë Alessandro Dodaro, i Autoritetit Bërthamor të Italisë.

 

Në Kinë, gjenerata e re e stacioneve bërthamore shikohet si zgjidhja më e mirë për problemin madhor të ndotjes së ajrit. Gjatë një ekspozite në Pekin, kompani kineze dhe ndërkombëtare konkuruan duke paraqitur teknologjinë e tyre më të fundit.

 

“Ka presion të jashtëzakonshëm për të ulur ndotjen dhe zgjidhja më e mirë është zhvillimi i energjisë së pastër. Energjia bërthamore, si një ndër energjitë kryesore të pastra, ka avantazhin e saj. Ajo është më e qëndrueshmja dhe mund të ofrojë elektricitet 24 orë në ditë”, thotë Zhang Huazhu, i Shoqatës Kineze të Industrisë së Energjisë Bërthamore.

 

Sidoqoftë, pas incidentit të vitit 2011 në Fukushima të Japonisë, publiku në Kinë, ashtu si në Itali, është ende i shqetësuar për sigurinë.

 

“Jemi gjithnjë të shqetësuar, megjithëse centrali nuk funksionon më”, thotë Rodolfo Tirimbo, banor në zonën pranë uzinës Garigliano.

 

Ekspertët e energjisë bërthamore thonë se një mundësi për të zbutur shqetësimet ndaj energjisë bërthamore do të ishin ndoshta uzinat që pluskojnë në det, larg zonave të banuara. /zeriamerikes.com

image

 

Vetura e një miliontë nga Porsche ka dalë nga linja e prodhimit në Zuffeunhausen, me një ngjyrë të veçantë "irish green", dhe me disa veçori të përbashkëta si nga modeli origjinal i vitit 1963. I bazuar në versionin 911 Carrera S, vetura e 1 miliontë ka 414 kuajfuqi me turbo të integruar në motorr.

image

 

Dr. Wolgang Porsche, kryetar i bordit të Porsche AG, ishte pjesë e zhvillimit të modelit 911 prej tash e 54 vjetësh: "54 vite më parë, pata mundësinë që bashkë me babain tim ta shijoj autostradën afër Alpeve. Ndjenja e të qenurit në një model 911 është po aq e bukur sa që është edhe sot. Kjo për shkakun se 911 ka siguruar që vlerat e veturës nga brendi jonë të jenë po aq vizionare sa janë edhe sot."

image
image image image image

 

*Të gjitha fotot janë dhe i takojnë Porsche.com

Djemtë e njohur nga kanali i Youtube-s Gav dhe Dan kanë kaluar 4 orë duke kurdisur 1.000 kurthe minjësh, dhe pastaj 4 sekonda që të gjitha ato të gjuajnë! E tërë kjo, vetëm e vetëm që ne ta shijojmë këtë video në xhirim të ngadalsuar.

Kampusi i ri i Apple në Cupertino, quhet "Apple Park", i cili ishte planifikuar të hapet për të punësuarit në Prill 2017, por nuk është bërë ndonjë njoftim nga kompania gjatë këtij muaji dhe ne jemi në mes të muajit Maj.

 

Megjithatë, shumica e ndërtimit tashmë ka përfunduar mbi sipërfaqen prej 175 hektarëve, dhe duke ju falenderuar videograferit Matthew Roberts, mund ta shikoni procesin e ndërtimit të kampusit nga Qershori i vitit 2016 deri tani, në format të mirë - madje 4K rezolucion.

 

Roberst me kujdes kishte filmuar kampusin e ri të Apple gjatë vitit 2016, me dronin e tij Phantom 3 Pro, dhe në këtë video ka përmbledhur momentet më të bukura në 6 minuta video.

image

 

Diçka të tillë ende nuk kemi parë. Banorët e ndërtesës "Porsche Tower" në Miami, SHBA, kanë garazhat e tyre edhe në katin e 60.

 

Në Miami ka kohë që është përfunduar ndërtesa 60 katëshe me emrin "Porsche Tower", ku banorët e saj, të cilët shumica janë milionerë, mund të parkojnë veturat e tyre afër banesave.

 

"Lifti" që çon veturat lart quhet dezervator dhe është inteligjent. Vozitësi duhet vetëm ta parkoj veturën në platformën adekuate, të zgjedhë numrin e apartmentit që ka, dhe lifti automatikisht do ta transportoj atë në garazhë (në fakt, në dhomën për veturë).

 

Apartmentet e tilla kushtojnë prej 5 milionë USD e që shkojnë deri në 32 milionë USD për apartmente ku mund të parkohen 11 vetura.

 

© 2012 - 2017 Piskama.com
Të gjitha të drejtat janë të rezervuara.
www.fatcow.com